早前音樂人張佳添出席TVB高層樂易玲（樂小姐）的生日會，攬腰合照公開後傳出他添力追女方的緋聞。今日（10/8）張佳添為《中年好聲音4》海選擔任評審時，接受《香港01》訪問回應緋聞。
張佳添說：「佢同有啲人攬得仲實，黃建東直頭喺後面攬住佢，我嗰啲真係好濕碎。佢開個生日會，個氣氛其實大家都會咁影相，舊年都係咁。（感情舊年開始？）唔係，我哋個friendship一早就已經好好。我話畀你聽點解會傳，係因為《女神配對計劃2》已經開始宣傳，邊個係真正TVB女神？咪樂小姐囉。」他笑言，今次緋聞是為節目而宣傳。
他續說：「邊個有份量同佢傳呢啲炒作呢？我都OK啦。（如果樂小姐參加，你都會報名？）佢參加，我咪陪佢玩吓囉。講真啦，呢啲咁不着邊際，超現實嘅嘢，我都廢事回應，因為講十話都冇人信。等大家估吓估吓，估一世咪算囉。」
他表示，整件緋聞之中，唯有兩件事是正確的。「第一就係，我絕對係冇腳嘅雀仔，第二就係，我哋亦都係好好嘅朋友。緋聞就歸緋聞。大家都冇新聞，咪畀啲新聞大家。」
Comments