香港區「環球小姐2025」（Miss Universe 2025）今日（12/8）於銅鑼灣舉行15強名單記者會。現年28歲的溫亮瑜 （Renee）第2次參選，終成功晉級15強。她接受《香港01》訪問時開心表示：「等入圍消息呢段時間都等咗兩星期，期間我都有諗唔通要我參加第3次，點知喺呢個時候就收到通知入咗圍，，同埋兩年都有你哋見證，當知道入圍就好想同你哋分享呢個消息。」
對於自出世右耳先天失聰，Renee表示：「我天生右邊耳仔零聽力，經醫生診斷話係冇咗一啲嘅細胞而導致。變咗有時候喺學習又或者工作方面係會遇到一啲嘅困難，就好似之前做護士嘅時候，警覺性要好高，就因為一邊聽唔到嘅關係，點都會影響到工作。同埋細個嘅時候，都好驚人哋會點睇自己，到我長大咗之後，我唔會再有呢個諗法。」
Comments