恆仔@ToNick肚痛如火燒入院女友相救　吊兩日醫水驚揭患呢個急病

樂隊ToNick主唱趙善恆（恆仔）2023年宣布與拍拖10年的譚杏藍分手，隨後與新女友、紋身師Kylah曬相高調認愛，發展順利。恆仔日前自爆肚痛入院，Kylah貼心陪伴左右，令恆仔冧爆再曬相放閃。

恆仔於Instagram發文透露：「早兩日朝早起身，突然之間個肚痛到好似比火燒咁 然後下晝食咗幾粒正露丸 跟住瘋狂屙嘔 痛到好似中咗降頭咁 好似有隻蠍子喺個肚裏面行嚟行去咁」。恆仔晚上入院就醫吊鹽水，原來是小腸炎，「漏夜衝咗入醫院吊咗兩日鹽水 斷食咗兩日，好生猛咁行返出嚟 佢診斷應該係小腸炎，而家個肚仲有少少痛 康復中」。恆仔感謝Kylah相救，更稱對方是「超人」，「多謝救咗我嘅超人 我講第二幅圖嗰個」。恆仔拍下住院照，Kylah安靜地坐在恆仔一旁細心照料，絕世好女友一名！