影后衛詩雅否認加片酬 澄清商演出場費冇7位數：講大咗

衛詩雅（Michelle）今日（4/8）現身尖沙咀出席活動。對於外界有傳她勇奪金像獎女主角後，片酬有增無減，商演酬勞更加十級跳升至7位數，引起網上熱議。

Michelle接受《香港01》訪問時大呼冤枉：「千祈唔好信坊間嘅傳聞，我係冇加到片酬。我想喺度澄清吓，之前有報道話我出場費有7位數，我睇到都好愕然，根本都冇啲咁嘅事，講大咗。到有啲品牌嘅朋友原本想搵我，都話我收得好貴，我就同佢哋講唔好聽外邊嘅傳聞，我仲報咗個價俾佢，佢哋好驚訝咁講『乜原來咁抵㗎』。咁所以大家如果想搵我，就直接打俾我。（傳聞會唔會影響咗工作量？）相信會有人唔敢問，而我有兩個朋友一知道咁嘅價錢，就話即刻要做。而我都即刻傾咗幾個返嚟。」