胡敏芝（Karen）今日（28/7）現身將軍澳出席無綫劇集《麻雀樂團》宣傳造勢活動。Karen入行4年迎來重戲份角色，飾演視帝譚俊彥妹妹程晴一角，與男方和視后李佳芯有不少對手戲，令人十分期待。
Karen接受《香港01》訪問時表示：「始終第一次咁重戲份，對我嚟講係有啲壓力。好記得第一次同佢哋兩位演戲嘅時候，我係唔知點做好，但佢哋兩個無論咩時候，都會同我傾偈，令我冇咁緊張。」
Karen續說：「始終有陣時都難免會NG搞到佢哋，每次NG嘅時候，我都慣性講Sorry Sorry。到我拍完呢套劇之後，再撞返劇組嘅人，佢哋笑我話好掛住我嘅對唔住。」
Comments