26歲港姐7號佳麗施宇琪（Angela)今日（11/8）現身電視城出席《2025香港小姐競選》分享會。Angela接受《香港01》訪問時透露，參選至今不停受訓，過程相當難捱：「因為平時嘅生活都好有規律，每日都早睡早起。早前到馬來西亞拍外景，每日淨係瞓得2至3個鐘，變咗我個身體唔係好習慣。同埋就係因為咁，我係再瘦咗，由我第一日報上磅61kg，今日再磅我係54Kg，足足瘦咗15磅。」
被問到在投行做交易員工作性質，Angela表示：「主要都係幫公司賺錢，用公司嘅錢去炒。（有冇輸過錢？）咁當然最優秀嘅交易員都會有成日輸錢。不過感覺都係輸公司嘅錢，又唔係輸自己嘅錢。反而自己投資都幾咁保守，都係買返啲好穩定嘅ETF，又或者藍籌股。不過如果用公司嘅錢，就會冒險啲，因為最多會被人炒，同埋摩根士丹利唔會因為我一個人輸錢而執笠。（幫公司輸過幾多錢？）呢個唔透露得，唔講得，因為講咗，我都唔知返唔返得去㗎。」
Comments