全城矚目選美盛事《2025香港小姐競選》今日（13/8）於將軍澳舉行記者會，並安排14位候選佳麗以泳裝亮相會晤傳媒，展示她們美好身段。
其中大熱佳麗9號陳詠詩（Stacey)大曬完美腹肌，成全場焦點。她接受《香港01》訪問時表示：「講真，其實呢段期間我係冇特別加強訓練，不過我就有做開劇烈嘅運動，因為我以前係體操運動員，退役之後都一樣有Keep住做運動，如果唔做運動嘅話，成個人好似唔舒服咁，心情好似抑鬱咁，運動已經成為習慣。（腹肌跟咗你幾多年？）其實都跟咗我幾十年。（要控制飲食？）盡量食清淡啲，但就唔係好大嘅調整。」港姐受訓期間會否忽略男朋友？她表示：「咁我又覺得冇忽略嘅，因為我係想投返啲心機落去，做好自己。（佢冇詐型？）咁又冇，因為佢都好支持我。」
Comments