菊梓喬(Hana）為HOY新劇《我愛九龍城》唱主題曲，此劇由《開心速遞》前監製林建祥離開巢後的第二套作品，劇集將於下月首播。Hana日前在赤柱拍攝MV，她接受訪問時透露曾想參與拍劇，但因為檔期問題未能成事，又表示除主題曲外，年底有望推出派台歌。
現場所見，Hana消瘦不少，她解釋去年一度暴漲到57KG，所有衣服都穿不下，加上被指肥而不開心，今年決心減肥，如今終可穿加細碼衣服，Hana表示無意再落磅，但希望練成金鋼芭比，原因是不想被「蝦」，問到是否曾受委屈，她說：「呢啲唔講啦。」
提到保錡自年初連環「炒車」後，近乎絕跡幕前工作，問到對方近況，Hana即煞有介事：「你問佢好啲，我唔清楚。（近況都唔清楚？）唔清楚。」與過往談及保錡時如開籠雀情況截然不同，再問如今是否單身時，Hana話要專注工作，又補充「對下一段感情無期待。」未知是想將戀情低調抑或已分手。最後，提到其社交平台，自7月起將按讚人數及追蹤者完全隱藏，Hana先解釋是因為唔想見到任何數字，之後又指此問題「咁奇怪」。
Comments