姚焯菲（Chantel）九月將前往美國升學，入讀全球著名的紐約大學（New York University，NYU），攻讀為期四年的Music Business（音樂商業）課程。這是她繼兩年前在新西蘭升學後，再次選擇到海外深造的重大決定。
Chantel今日（16/8）現身電視城出席《剪裁魔法師2》拜神，接受《香港01》訪問時表示：「其實我呢個決定係諗咗超級耐，我係深思熟慮好幾個月，究竟我留唔留喺香港，同埋都有問身邊嘅人嘅意見，但到最尾就會諗，既然係自己鍾意嘅一科，就決定過去。身邊有好多人都想我留低，我係有一刻都想留低，但最後尾我就覺得應該去闖吓呢個世界。（爸爸一直都想你繼續讀書？）我諗都唔關屋人嘅決定事，佢哋都會擔心我，到最後尾都係留返畀自己。（去幾多年？）我會去4年，但中間會返嚟，會喺暑假同冬天會返嚟。」
Comments