潘靜文（Sherman）今日（16/8）帶傷現身電視城出席《剪裁魔法師2》拜神。提到身上的腳傷，潘靜文接受《香港01》訪問時表示：「其實係上一次去運動會，因為落場跑太落力所以搞成咁。當時仆到啲時候，我係完全感覺唔到痛，到完晒成個比賽之後，返到屋企嘅時候就開始感覺到痛，啲血滲晒出嚟，傷口就開始發炎，之後就去睇醫生，然後就要食抗生素。」
被問到擔唔擔心留有疤痕時，潘靜文表示：「梗係擔心啦，仲要係超驚，變咗而家要好好護理住，日日要洗傷口。不過之前為呢個節目綵排，我要用遮瑕膏遮住個傷口，之後個傷口再次受傷，表皮又甩咗，變咗今日我唔選擇再用遮瑕膏遮住個傷，就用膠布就算。」
Comments