菊梓喬與保錡北上拍拖力證情未變　日前曾稱唔清楚男方近況

菊梓喬（Hana）日前為HOY新劇《我愛九龍城》唱主題曲，並去赤柱拍攝MV，當日明顯消瘦不少，她解釋因為去年一度暴漲到57KG，因而決心減肥。其男友保錡自從年初一與陳百祥合照並自稱「ViuTV叻仔」演變成公關災難後，半年間工作銳減，亦鮮有現身公開活動。

菊梓喬被問起保錡近況時，即煞有介事：「你問佢好啲，我唔清楚。（近況都唔清楚？）唔清楚。」態度明顯跟以前不同。當問到如今是否單身時，Hana表示要專注工作，又補充：「對下一段感情無期待。」惹來分手疑雲，而保錡更在分手的報道下留下一個喊喊emoji，耐人尋味。

不過報道出街後，有網民即向傳媒報料，指見到保錡與菊梓喬北上拍拖，現身深圳福田區的深業上城，頂著金毛skinhead、身穿黑色背心的保錡相當易認，而菊梓喬則配以Cap帽及全黑打扮，相對低調。雖然二人並無親密舉動，但男方疑幫女友拎手袋，加上拍住拖北上，足證情未變。