
現年37歲的李幸倪(Gin Lee)近年事業發展順利,相繼奪得《新城勁爆頒獎禮2024》、《叱咤樂壇流行榜》、《第46屆十大中文金曲頒獎音樂會》女歌手金獎,成績有目共睹,令她榮膺全年音樂頒獎禮上的大滿貫女歌手,奠定樂壇天后的地位!不過近日Gin Lee疑似身體出現問題,她在IG限時動態上載兩張照片,當中更有一張染滿血的紙巾,令人擔憂!
Gin Lee曬出一張趴在病床上露出腰部接受拔罐治療的照片,並寫道:「今日我慶生,慶祝我仲有生命」,之後又曬出一張染血的紙巾,寫道:「長知識,原來呢條好似鼻涕嘅物體就係粘連」,並指「今日放咗好多血」,情況令人擔心!出身馬來西亞的Gin Lee,當年隻身來港追夢,她曾透露起初居於200呎單位,銀行戶口只剩低1000元,生活拮据,更曾因壓力大致長期失眠:「以前我係長期失眠,同埋會發惡夢,好似冇休息過。到我認識咗身心靈課堂之後,又睇心靈嘅書籍,開始學識靜坐同冥想,個人係平靜咗好多,而家係瞓到同休息到。以前我係試過喊到熄唔到機,瞓瞓吓突然會係咁喊,啲眼淚係咁流,自己係控制唔到,幸好而家就冇呢個情況。」
Comments