49歲的滕麗名早前突然在社交平台透露，自己出現突如其來的眼矇和飛蚊症狀，經檢查後證實為視網膜脫落，情況一度嚴重，甚至有失明風險。
事後滕麗名受訪時解釋視網膜脫落原因，指在拍攝《愛·回家之開心速遞》時發生意外，右眼不慎被同劇演員袁文傑手指插中，當場流血。最初以為只是小事，並未立即求醫，誰知數日後在家中突然覺得視力模糊，字體變成黑色蟲仔般飄動，由丈夫送往醫院求診後，被醫生診斷出視網膜已經脫落九成，需緊急進行手術修復。
今日（19/8）袁文傑出席無綫處境喜劇《愛．回家之開心速遞》宣傳造勢活動時，就事件接受《香港01》訪問時表示：「嗰日拍一場戲係講佢手揸住支筆去插一樣嘢，然後我就出手制止，呢個動作係綵排咗好多次。但到真正拍嘅時候就出意外。當時我伸手搶支筆嘅時候，我係感覺唔到整到佢，2秒之後阿滕就叫隻眼好痛。當時我冇諗太多，只係希望佢冇事，之後都即刻去咗醫院檢查。（阿滕原諒咗你未？）佢即刻原諒咗我。之後跟住嗰幾星期開工，我個心好過意唔去，不斷都有慰問佢，反而佢都安慰返我話冇事，叫我唔使咁擔心。」
Comments