胡敏芝今日（20/8）現身樂富出席無綫（TVB）熱播劇集《麻雀樂園》Busking宣傳造勢活動。談及個人感情生活，現年26歲的胡敏芝接受《香港01》訪問時坦言目前有一位拍拖7年的初戀男友，兩人在感情上彼此扶持。
胡敏芝表示：「其實佢知我好鍾意做呢行，變咗佢都好支持我，唔會話我冇時間陪佢。不過講真有時候要拍嘢，我就會好專注，我就唔會理所有人，包括屋企人我都唔會同佢哋講嘢，因為我想專注做好每一件事。（試過幾耐冇見男朋友？）其實只要一開劇，我就會唔搵，同埋唔見，起碼兩個月唔搵。（唔通電話？）都會通，但就唔會講咁多，我就會話快啲收線。（怕唔怕佢變心？）唔驚都一齊咁耐。（真係變心！）咁佢早走早着，因為我係要閉關嗰種，我係唔可以分心㗎。」
Comments