藝人張曦雯今日（22日）出席TVB新劇《俠醫》記者會，上月她無預警地在社交平台宣布與拍拖8年的男友分手，今次是她分手後首次見傳媒。她接受《香港01》訪問表示心情已平復她笑指劇中自己是弱者，但現實中都算強人。
張曦雯表示公布「分訊」時其實已經分開了一段時間：「settle好先同大家講，我哋一齊咗咁多年，做一個咁嘅決定一定係諗得好清楚先至會做一個咁大嘅決定。唔係因為一啲唔開心嘅嘢突然間分咗手就同大家講，即係同大家講我哋都係和平分手。」她指與男友分手後仍能繼續做朋友，而且雙方的父母都知道分手的事，家人亦很支持她。
被問到分手後家人有否催促她找新對象時，她亦表示家人沒有強求：「家人係默默中支持。被問到二人分手是否涉及第三者時，她即表示：「唔會，唔係因為第三者，亦都唔係一個唔開心嘅原因。」但就堅稱是和平分手，要聯絡仍然會聯絡。她笑指自己：「好耐冇單身，我要習慣一下。」至於回復單身的她表示隨時可以接受下一段新戀情，而身邊有沒有人馬上展開追求，她則甜笑反問：「你覺得有冇啊？（即係有啦？）係啦，可以觀察吓。」
Comments