陳蕊蕊今日（22/8）現身灣仔出席汽車品牌活動。陳蕊蕊接受《香港01》訪問時透露，近期除了忙經營日本餐廳外，亦跟朋友合資6位數字頂手費做埋酒吧生意，無懼北上熱潮風。
陳蕊蕊表示：「其實我覺得近排環境又好返啲，啲客開始回流返，同埋又多咗遊客，咁最重要係餐廳嘅質素，食物嘅品質好自然就會有返嚟嘅客嘅。我哋之前將人手同好多食物改良咗之後，生意都真係好好，就算平日餐廳都坐滿。（有冇減價嘅空間？）因為日本嘅食材都好貴，變咗就冇乜減價空間，唯有每樣嘢都要做好多。（會否擴充業務？）本身都有呢個諗法，但始終呢個風險係有啲高，同埋人哋鍾意食你呢間，唔代表第2間會鍾意食，始終人手師傅都會好唔同。」
Comments