陳豪全權交由陳茵媺管教仔女　大讚老婆育兒有一手：佢係有本事

陳豪今日（22日）出席TVB新劇《俠醫》記者會，提及昨日（21日）他突然在社交平台發問：「問問大家，仔女慢慢大，多咗時間要上網或者用手機，點樣先可以培養到好嘅上網習慣，等佢哋自動自覺收埋手機？」陳豪接受《香港01》訪問時笑指其實是廣告，而家中小朋友亦是由太太管理。

陳豪表示：「我會交畀太太，我諗佢會更加係有系統，同埋更加知道點樣去監控住啲小朋友。」陳豪指自己管教小朋友的方式比較是老一派，會罵他們，所以會傷感情，但太太Aimee則不會罵：「Aimee呢係唔會鬧唔會剩，但係會有本事令到個小朋友放棄嗰個電子產品，又唔會傷害到佢哋嘅感情。」大讚太太在育兒方面的確有一手。

被問到網上發文求助，小朋友看到會否想辦法反擊時，陳豪笑指：「我哋小朋友呢其實未有手機嘅，咁變咗都touch wood，我哋最低有iPad，就未識得去到話係睇去search咁多嘢。」陳豪指小朋友其實聽媽媽話比較多，自己在這方面就不會呷醋，因為他覺得聽媽媽的話是應該的。