組合P1X3L成員吳啟洋 （Phoebus）今日（2/8）現身觀塘舉行生日會，與過百粉絲一同慶祝，場面熱鬧。Phoebus接受《香港01》訪問時表示：「生日願望希望工作順利，同埋今年同唱片公司完咗約，變咗音樂方面計劃仲未有，咁講真呢個時間作品對我哋嚟講都好重要。（擔唔擔心前景？）大家都知而家個大環境都唔係咁好，咁當然希望有歌啦。咁冇嘅，唯有係能力範圍內做好自己，例如係個人社交平台拍多啲片俾大家。」
被問到會否3人自組公司出歌？Phoebus笑言：「邊有呢個資源，3個人開公司係好難好難。同埋我哋3個人都係ViuTV嘅藝人，變咗好多關於音樂上嘅嘢都要同佢哋傾。」
Comments