曹敏寶斥資5位數出歌，新歌《請你溫柔地傷害我》赤裸剖析夫妻間在相處日子中所差生的距離，她說︰「兩個人相處並不會係每一日如詩如畫，好多生活上嘅事情要處理，有時兩個人嘅價值觀亦都未必係一模一樣，所以日子耐咗可能會產生磨擦同距離，呢隻歌就係寫實去描述，希望聽眾會有共鳴同有一個反思嘅空間。」
為求完美，新歌MV由選角與編劇都由曹敏寶一手包辦，用了3日拍攝，絕對係大製作：「MV入邊有一part係要情緒大爆發，要同MV入邊嘅男主角爭執。其實當初我都好擔心自己演唔演到，不過到到真係Roll機我就冇諗咁多，只係拍攝前用咗半個鐘跟自己相處去投入角色。」
問到現實中可曾被老公溫柔地傷害，曹敏寶笑說：「咁兩夫妻一定會有拗撬嘅時候，係睇吓點樣互相讓步同磨合。因為佢比較不善辭令，但我係非常善於表達，所以呢一個組合，就容易令事情易於解決。而家佢最溫柔嘅傷害，就係經常唔睇電話，顧住做嘢，搵佢要打鑼咁打比佢！」
Comments