莊易羚今日（6/8）現身無綫熱播劇集《麻雀樂園》宣傳活動。提到劇中與阿久隔空道別一幕，演技大爆發，全程流露著掛念及可惜的情緒，同時強忍傷痛的狀態，獲網民大讚成功將角色演得淋漓盡致。
莊易羚接受《香港01》訪問時表示：「其實為咗呢個角色，事前我係做咗好多準備功夫。而喺拍呢場戲前我係有問監製我使唔使減肥？佢話係要減。於是我減到仲瘦過選美嗰陣時，成塊面都凹晒。點知開工第一日，監製同我講唔好再減肥，話凹晒唔靚，於是要增肥，狂食骨膠原食物，例如豬手。」
莊易羚續說：「好記得呢場戲，監製喺現場同我講個劇情嘅時候，我係好有感覺，我忍唔住喊，監製安慰我叫我休息吓先。其實嗰下我都好驚嚇親監製，我係激動到叫監製唔好再講落去。監製之後同我講呢場戲唔需流眼淚，但喺拍第一Take嘅時候，我忍唔住流咗一滴眼淚出嚟，於是我要再平復心情，先至完成個場戲。」
Comments