呂慧儀為營運教育中心　再讀書完成牛津大學課程：書到用時方恨少

呂慧儀今日（19/8）現身電視城出席無綫處境喜劇《愛．回家之開心速遞》宣傳造勢活動。早前她在社交平台以「半工讀的媽媽」分享完成牛津大學賽德商學院（SaidBusiness School, University ofOxford） Executive Leadership課程，令一眾網民十分敬佩。

呂慧儀接受《香港01》訪問時表示：「點解我會再執筆讀書，係因為我唔叻，書到用時方恨少。係因為覺得自己係需要讀呢一科，其實因為我有間教育中心，一直做落去嘅時候，就覺得自己係要增值落去，希望可以喺營運方面幫到手，就係咁就走咗去報讀。讀完之後，好快就明白到從管理到營運上需要點做，唔需要靠累積經驗之後先知，咁所以讀完呢個課程係識咗好多嘢。」