元祖級旅遊達人被封為世界級港女十年　認阻礙姻緣：啲人真係驚

杜如風主持的全新旅遊節目《解風東京2》正在熱播中，除了識飲識食，眾所周知杜如風同樣是天生購物狂，她日前接受《StarTalk》時透露最近經歷搬屋，發現自己有好多未拆牌的衣服未着，她表示將30幾袋衫捐出後，令她反思賺錢賺得咁辛苦，所以買嘢前就會諗一諗。

杜如風曾經被封為世界級港女，如今重提這個稱號，杜如風就稱：「夠喇，真係夠喇，好多年喇，11、2年喇！就係蒙上港女呢個稱號冇人追我。（會唔會阻礙到唔少姻緣？）直頭係阻到澎澎聲呀，講到明洗咁多錢，但自己洗自己錢咁都唔得呀？但原來真係唔得，啲人真係驚！」杜如風稱朋友們都已經將身邊嘅朋友介紹過給自己，笑言如果想識到另一半，可能要跳去第二個圈子。

自從被封為「世界級港女」後，杜如風稱身邊再沒追求者出現。 其實她曾經與黃又南、余文樂、導演郭子健等多位男神傳過緋聞。