現年57歲的台灣女星倪淑君曾於80年代來香港發展，1983年憑藉著與譚詠麟合作的電影《陰陽錯》而紅極一時，倪淑君的氣質更被形容獨一無二！日前，鍾慧冰就在YouTube頻道講起倪淑君的近況，更曝光她的近照！
鍾慧冰透露早前與倪淑君在台灣相聚了幾天，對方目前仍未婚，正過住半退休的生活，相聚期間她稱二人一同唱K，她更大讚倪淑君的歌喉媲美肥媽且身段保持得非常好：「經濟上冇問題，佢話我又唔係好有錢，但手頭上有不少台積電，嗰時50蚊買，咁台積電就好似香港人買滙豐咁，而家台積電係過千，即係生活無憂！而且佢全身都係肌肉，原來佢係長期有健身。」鍾慧冰又透露倪淑君生活舒適：「佢一個禮拜就打一兩次麻雀，得閒就去做啲健身嘅運動，雖然佢係無結婚，但係佢嘅生活充滿咗歡樂，原來佢好多姊妹。」
倪淑君曾被指是導演陳勳奇的「御用女主角」，有傳倪淑君曾與陳勳奇拖手逛街，甚至有指她與一名女電影人爭奪陳勳奇，但由於男方早已結婚，令倪淑君背上第三者罵名，形象變得負面，加上90年代港產片市場開始低迷，她亦漸漸回台發展及生活。
+1
Comments