黃庭鋒今日（25/8）現身銅鑼灣出席無綫熱播劇集《麻雀樂園》街頭快閃宣傳活動。提到劇集快將完結，庭鋒接受《香港01》訪問時表示：「其實都好唔捨得，但大結局聽講會好似大家一齊睇，而呢套劇我哋都做咗7次嘅宣傳 ，都頻頻見到大家係好開心。」
問到會否想李佳芯出席大結局飯局，庭鋒表示：「其實都好想，但知佢好似喺大馬嗰邊仲拍緊嘢，變咗可能佢仲忙過我哋，但都唔緊要，我相信佢日日都有睇呢套劇。（李佳芯話等緊你哋通知！）係咩，唔緊要我哋私底下約佢出嚟食飯。（會唔會問吓監製叫佢出席？）等我而家去搵佢問吓先，監製⋯。」
Comments