胡敏芝（Karen）今日（25/8）現身銅鑼灣出席無綫熱播劇集《麻雀樂園》街頭快閃宣傳活動。提到她在劇中首次要打對手謝東閔，面臨相當大壓大：「其實嗰場戲我只係打咗佢兩次，因為嗰張紙係手寫，變咗有限，就只可以打兩次。喺拍之前導演係教我點打得會好啲，咁所以係有練過下個位啫。」
問到拍打戲前，有否搵男朋友在家操練？Karen認真表示：「咁又冇喎。其實我又唔打人嘅。（點解唔搵男友試戲？）咁好難喺街度打一個人，同埋又真係冇諗過。（拍前謝東閔有冇安慰你？）有呀，佢拍之前叫我大力啲打落去，佢話自己冇所謂。佢仲話自己啲皮好厚。（佢厚面皮！）唔係呀，佢只係身體上咋，哈哈！」
Comments