米雪曾1年內演出100場舞台劇　自爆有部分零薪酬甚至要倒貼

米雪入行至今快60年，除有無數經典戲劇作品，在舞台劇界亦有不少輝煌成績：與羅文及汪明荃（阿姐）演出香港第一個舞台劇《白蛇傳》，以及在1年內演出100場舞台劇，其中70場是《我和春天有個約會》。日前米雪接受港台節目《安哥同學會》訪問時，被問到百場舞台劇演出是否令她賺到笑，她說：「唔係喎，喺90年代我同秋哥做古裝舞台劇，全部都係文言文，我希望做到唔使宣傳啲人都會嚟睇，所以我做，70場係《我和春天有個約會》，另外30場係其他喜劇，有啲係無錢收，我仲要⋯⋯（你仲要請大家食嘢）我覺得搵到就唔怕，大家咁辛苦。」 米雪解釋一直支持舞台劇或音樂劇是因為想令更多觀眾入場，《晚安，媽媽》對白之多雖然令她感到辛苦，但作品帶出的訊息十分有意義。

米雪在訪問中，又提到拍《大太監》時，因為飾演慈禧太后一角需將劇本讀足80次。「因為要好穩重，所以對白一定要熟，有啲四字成語唔識讀或解，我又要讀到佢順，於是打畀人問。」除了自己部分，米雪開廠時亦會與後輩演員背對白，希望對方拍攝時不用太慌張。