全城矚目選美盛事《2025 香港小姐競選》今日（31/7）於電視城舉行候選佳麗外景出發拜神儀式。 6號佳麗朱文慧 （Teresa）接受《香港01》訪問時表示：「今次出發到馬來西亞檳城取景拍攝係好興奮，噚晚差啲緊張到瞓唔着，好彩最後都迫到自己瞓着咗，因為我知道之後嘅行程係好緊密。（怕唔怕透力透支？）講真，我真係從來未試過可能得幾個鐘瞓覺，咁所以今次睇吓自己做唔做到。」
問到裝備清單？朱文慧表示已經準備大量的護膚日用品：「我噚晚特登走咗去買咗一把手提風扇，因為我知道當地天氣好熱，同埋我買咗退熱貼，又買咗好多寶礦力沖劑過去。都帶定咗防曬衫同雨遮以不時之需。而我都帶咗一定數量嘅面膜，因為每日都要用兩塊，早晚用。」
+1
Comments