TVB體育評述員爆哲學金句引爆觀眾緣　移民新加坡搭飛機返TVB開工

無綫（TVB）擁有不少專業講波主持，競爭激烈，要講得既專業又生動有趣，再加上要有觀眾緣實屬不易。其中TVB專業體育評述員兼主持江忠德去年他主持巴黎奧運期間，獲網民激讚除了說話夠「盞鬼」，他的評述亦帶出人生道理的哲學，令節目變得更精彩。

江忠德近日特意搭飛機回港講波。江忠德拍下飛機降落片段，發文：「坐飛機返嚟TVB開工啦」，江忠德原來今次要返TVB講足球季前熱身賽。江忠德早年已移民新加坡。去年評述男子越野皮划艇準決賽第二場賽事，江忠德指該場賽事「撼頭埋牆又有，原地上螺絲又有」，並以人生哲學來形容：「當你喺逆流上流掙扎嘅時候，發覺自己搞咗大一輪原地踏步，未郁過！所以人生嘅嘢，當Rohan喺人生谷底（水底）只要上得番來都能夠晉級。呢個比賽最大真諦係永不放棄，只要留喺賽道上就有機會。」洪松蔭亦表示認同：「冇人會知道個結果係點。」引來網民激讚。