羅啟豪今日（8/8）現身灣仔會展出席《星光熠熠耀保良》演出項目綵排。提到他日前在街上開心偶遇《中年好聲音》擔任評審杜德偉，二人更不忘合照留念。羅啟豪接受《香港01》訪問時表示：「其實當年我俾肥媽鬧嘅時候，佢係唯一一個評判支持我，俾咗好多鼓勵我，仲話好鍾意我，變咗到當晚我見到佢我都講返呢件事，我都有多謝佢，講真如果冇佢嘅支持，我諗我今日唔會喺度可以同大家做訪問。（佢有冇叫你做歌手要自律？）嗰晚佢就冇同我講，但我之後有睇到佢嘅訪問，就話做藝人要Keep Fit自律控制飲食，我見到佢真係好Fit好後生。（你達唔達標？）我諗需要啲時間，因為我仲係好鍾意食嘢。」
Comments