黃美棋老公鍾健威早前在社交媒體上透露，過去半年他經常受偏頭痛困擾，並且當天氣濕度高時，耳鳴和頭暈的症狀會加劇，甚至影響聲音變低沉，需至少休息兩天才能緩解。又指他的工作涉及司儀、剪輯及製作，負擔沉重，加上黃美棋經營多間餐廳和頻繁出差，兩人相聚時間有限，壓力更大。
今日（29/7）黃美棋現身電視城出席無綫節目《玩轉粵東粵北懶人包》宣傳造勢活動。提到老公鍾健威最近身體健康狀況，美棋接受《香港01》訪問時表示：「其實喺我出發去拍呢個節目之前，發現佢係唔舒服，於是就安排喺我出發前一日就陪佢入院睇醫生，照腦同檢查對眼。醫生發覺一切正常，認為都係偏頭痛嘅症狀嚟，就開咗啲藥俾佢食。然後就上去拍嘢，呢段時間佢就要自己照顧自己，佢仲同我講笑話呢段時間好靜好舒服，因為佢成日都會話我好嘈，變咗佢可以靜靜咁休息十日。不過呢排佢又痛返，開始耳鳴又塞，醫生話偏頭痛係冇得醫，亦都搵唔到個根源，好多人都會突然間發作。」
Comments