一代笑匠由欠債破產到身家過億　打造「七星級餐廳」正式開張

現年67歲的廖偉雄（阿燦）早年於劇集《網中人》中飾演新移民「程燦」深入人心，直至90年代淡出幕前轉行從商，雖然曾面臨破產但近年專心發展有機農業，除了開「燦神龍場」之外，他種植的「亞燦米」更獲得多項殊榮，有傳他的身家已過億。今年2月廖偉雄自爆左腳中風，右腳痛風，幸好經過治療後已有好轉，而康復後他亦積極拓展事業版圖，近日他就在馬來西亞吉隆坡開設1.5萬呎、4層高的綜合性飲食娛樂基地，日前餐廳正式開張！

廖偉雄早前曾拍片分享籌備過程，更豪言：「將會係全馬來西亞第一間七星級嘅餐廳。」不過其後他就解釋指餐廳設有7間房，房間以7個星宿為名，加上有梯級，所以是「七星級餐廳」：「同大家講話係七星級餐廳係講笑啫，但係事在人為，我哋一定會努力將佢做到最好。」片中可見，餐廳樓底十分高，空間闊落，天花吊上水晶燈，裝修相當豪華高級！