KOL陳芷瑩（Giann)日前以大賽首席導師身份現身九龍塘出席《第一屆亞洲網紅創意大賽 》啓動禮。Giann接受《香港01》訪問時表示：「今次轉咗型個身份好唔同係首席導師，因為平時嘅自己都好收埋，唔覺得KOL係幕前，平時係做好多幕後嘅嘢，而今次有幸成為籌委會之一，發現原來KOL都有唔同嘅價值。」
被問到如何由KOL轉變成首席導師？Giann表示：「其實自己都有籌備線上嘅課程，同埋之前都有做線下嘅培訓，所以嚟緊我會用轉一個角色去提供一個價值俾大家。（分享由素人到50萬粉的KOL歷程？）因為本身我都有做線下嘅培訓，嚟近都會教班，都願意匯聚一啲人才，明白做呢一行唔會做足一世，因為我都會老，所以我寧願培訓一啲年輕人成為我旗下。（怕唔怕教識徒弟冇師傅？）唔會，我覺得成為佢哋師傅係好榮幸。」
Comments