Babyface 日前以大賽種子選手現身九龍塘出席《第一屆亞洲網紅創意大賽 》啓動禮。Babyface接受《香港01》訪問時表示：「其實我已經準備好 ，因為呢個比賽同我日常做嘅嘢都係息息相關，咁所以就冇乜話太過緊張，最緊要要做好自己，變咗壓力不大。」
被問到會否擔心會落敗？Babyface表示：「其實就冇擔心，我覺得嚟咗就一定學到嘢囉，贏唔贏到就唔重要嘅，但我就對自己好有信心。（參加比賽最大目的係咩？）最大目的係發揮自己優勢嘅長處，利用自己嘅fans發揮自己嘅專長，去同唔同嘅商家合作，推廣佢哋嘅產品，令到香港嘅經濟一切都更加好。」
Comments